Azerbaijan airlines кейбір бағыттар бойынша ұшпайтын болды

Фото:  Canva.kz

Azerbaijan airlines әуе компаниясы ұшақ апатының нақты себебі анықталғанша Махачкала, Грозный бағытындағы рейстерді тоқтатты, деп хабарлайды Qazaq Today ақпарат порталы Хабар24-ке сілтеме жасап.

Атап айтқанда Баку-Грозный және Баку-Махачкала-Бакуге әзірге ұшақ ұшпайды.

Компания өкілдері Ақтау маңыңда апатқа ұшыраған лайнер соңғы рет қазанда техникалық тексеруден өткенін мәлімдеді.

Бұған дейін хабарлағанымыздай, кеше сағат 11:10-да Ақтау қаласының маңында «Баку-Грозный» бағытындағы ұшақ апатқа ұшыраған еді. Апатқа ұшыраған ұшақта 6 қазақстандық болған.

Қасым-Жомарт Тоқаевтың тапсырмасы бойынша мемлекеттік комиссия құрылды.