Атырауда 35 жастағы жігіт әскери бронд машинаны (БРДМ-2) сатып жібермек болды. Соғыс жағдайында қолданатын машина барлау-шолғыншылық мақсатқа пайдаланылады. 1986 жылғы жігітке тиесілі әскери көлік қаладағы авотұрақтардың бірінде тұрған, деп хабарлайды Qazaq.Totay ақпараттық агенттігі.
Қазіргі уақытта аталған факті бойынша ҚР ҚК 386-бабы 1-бөлігі бойынша сотқа дейінгі тергеп-тексеру амалдары жүргізіліп жатыр. Ал күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.
«Соғыс техникасының сатылатынын Атырау облысы ПД Экстремизмге қарсы іс-қимыл басқармасының қызметкерлері тексеріп, жедел-іздестіру іс — шараларын жүргізу барысында 1986 ж.т. азаматқа тиесілі аталған әскери машина табылып, тәркіленді. Полиция департаменті атыс қаруларымен, оқ-дәрі және жарылғыш заттармен жасалатын қылмыстардың алдын-алу үшін, қоғамдық қауіпсіздікті қамтамасыз ету мақсатында 25 сәуірден бастап халықтан заңсыз сақталған атыс қаруларын, оқ-дәрілерді және жарылғыш заттарды сатып алу акциясын жүргізіп келеді. Мемлекет, азаматтардың өз еріктерімен өткізген әрбір қарулар мен оқ-дәрілерге және жарылғыш заттарға 100 айлық есептік көрсеткішке дейін сыйақы белгілеген», — деді Атырау облыстық ПД ресми өкілі Мейірім Ердәулет.
Соғыс машинасын жігіттің қалайша меншіктеп алғаны анықталып жатыр.
