Астанада өткен Шанхай ынтымақтастық ұйымы (ШЫҰ) саммитінің нәтижесінде, қатысушы мемлекеттердің өкілдері бірқатар маңызды құжаттарға қол қойды, деп хабарлайды Qazaq.today.
ШЫҰ мемлекет басшылары кеңесінің отырысында мынадай құжаттар қабылданды:
- Шанхай ынтымақтастық ұйымы мемлекет басшылары кеңесінің Астана декларациясы;
- ШЫҰ «Әділетті әлем үшін жаһандық бірлік, келісім және даму» бастамасын бекіту туралы шешім;
- 2035 жылға дейінгі ШЫҰ даму стратегиясы жобасын бекіту туралы шешім;
- ШЫҰ қызметін жетілдіру бойынша сыртқы істер министрлерінің кеңесі ұсыныстарын бекіту туралы шешім;
- Беларусь Республикасын ШЫҰ-ға мүше мемлекет ретінде қабылдау рәсімін аяқтау және мүше мемлекет мәртебесін беру туралы шешім;
- Беларусь Республикасына ШЫҰ мүше мемлекет мәртебесін беруіне байланысты мүше мемлекеттердің үлестік жарналары туралы шешім;
- 2025-2027 жылдарға арналған терроризм, сепаратизм және экстремизмге қарсы іс-қимыл бағдарламасын бекіту туралы шешім;
- 2024-2029 жылдарға арналған ШЫҰ-ның нашақорлыққа қарсы стратегиясы және оны іске асыру жөніндегі іс-қимыл бағдарламасын бекіту туралы шешім;
- 2030 жылға дейінгі энергетикалық ынтымақтастықты дамыту стратегиясын бекіту туралы шешім;
- 2030 жылға дейінгі экономикалық даму стратегиясын іске асыру жөніндегі іс-шаралар жоспарын бекіту туралы шешім;
- ШЫҰ мемлекеттерінің инвесторлар қауымдастығы туралы шешім;
- Қорғалатын аймақтар мен экологиялық туризм саласындағы ынтымақтастықты дамыту бағдарламасын бекіту туралы шешім;
- Қытай Халық Республикасының Циндао қаласын 2024-2025 жылдардағы ШЫҰ туристік және мәдени астанасы деп жариялау туралы шешім;
- ШЫҰ мүшелері мен диалог серіктестері арасындағы өзара іс-қимылды нығайту жөніндегі жол картасын бекіту туралы шешім;
- ШЫҰ жобалық қызметін қаржылық қолдау тетіктері туралы шешім;
- ШЫҰ хатшылығы мен Орталық Азия өңірлік ақпараттық үйлестіру орталығы арасындағы өзара түсіністік туралы меморандумға қол қою туралы шешім;
- Халықаралық ақпараттық қауіпсіздікті қамтамасыз ету мәселелері бойынша ШЫҰ мемлекеттерінің өзара іс-қимыл жоспары туралы шешім;
- ШЫҰ бас хатшысы туралы шешім;
- ШЫҰ аймақтық антитеррористік құрылымының атқарушы комитетінің директоры туралы шешім;
- ШЫҰ бас хатшысының өткен жылғы қызметі туралы есебі;
- ШЫҰ аймақтық антитеррористік құрылымының кеңесінің қызметі туралы есебі;
- Жақын көршілік, сенім және серіктестік қағидаттары туралы мәлімдеме;
- Ішетін су мен санитария қауіпсіздігін қамтамасыз ету туралы мәлімдеме;
- Қалдықтарды тиімді басқару туралы мәлімдеме;
- Қоршаған ортаны қорғау саласындағы ынтымақтастық туралы келісім.
Саммит барысында Қазақстан Президенті Қасым-Жомарт Тоқаев ШЫҰ-ны реформалау және жаңғырту қажеттілігі туралы айтты. Ол барлық ұсыныстардың ұйымның ортақ игі мақсаттарына жетуге бағытталғанын атап өтті.
Қазақстан 2023 жылдың шілдесінен бастап ШЫҰ-ға төрағалық етті. Астана саммитінен кейін ұйымға төрағалық Қытайға өтеді.
