Құрбан айт мерекесі қарсаңында Астанадағы базарларда құрбандық шалу орындарында санитарлық нормалардың сақталуы тексерілді, деп хабарлайды Qazaq.today қала әкімдігіне сілтеме жасап.
2024 жылдың 17-19 маусым аралығында өтетін Құрбан айт мерекесін атап өтуге байланысты, Астана әкімдігі құрбандық шалу орындарын белгіледі:
- «Шанхай» базары
- «Баракат» базары (А-369 көшесі, 10)
- «Жайлау» базары (С-754 көшесі, ғимарат. 1)
- «Шолпан-ата» базары («Алаш» тас жолы, 27/2)
- Темір жол ЖМ (Ақжар көшесі, 20)
Ауыл шаруашылығы жануарларының иелері, сою орындарының сатушылары мен иелері ҚР Ауыл шаруашылығы министрлігінің 2015 жылғы 27 сәуірдегі № 7-1/370 бұйрығымен бекітілген ветеринариялық-санитариялық талаптарды сақтауды сұрайды. Ауыл шаруашылығы жануарларын сою ережеге сәйкес берілетін есепке алу нөмірлері бар сою пункттерінде, ет өңдеу кәсіпорындарында немесе сою алаңдарында жүргізілуі тиіс.
«Бүгін біз ветеринариялық-санитариялық талаптардың сақталуын талқылау үшін сою нысандарының иелерімен кездесу өткіздік. 2 санаттағы рұқсат құжаттары жоқ жерлерде жануарларды союға тыйым салынады», — деп атап өтті мемлекеттік ветеринариялық-санитариялық инспектор, бас маман Мелис Қайнулдаев.
Биыл Құрбан айт мерекесі 17 маусым, дүйсенбі күні басталады.
