Бас прокуратураның өкілі қаңтар оқиғасы кезінде әскерилерді аяусыз өлтіргендердің әрекеттерін әшкере етті. Қаңтар оқиғасы кезінде террористер әскерилер мен әртүрлі орган қызметкерлерін аса жауыздықпен өлтірген. Бұл туралы бүгін Бас Прокуратура 1-қызмет бастығының орынбасары Елдос Қилымжанов айтып берді, деп хабарлайды qazaq.today агенттігі.
Мәселен, подполковник Сәндібек Қайыровтың өлімі. Бас прокуратура өкіліне сенсек, оның мәйіті Алматы әкімдігінің шатырынан табылған.
«Қолында қаруы жоқ подполковник Қайыровты аса жауыздықпен өлтірген. Ол Алматы әкімдінінің ғимаратын күзетіп тұрған еді. Оның мәйіті ғимараттың шатырынан табылды. Қызметкерлер іздерін жасыру үшін оның денесін өртеп жіберген»,-деді ол.
Қаңтар оқиғасы кезінде шеруге қосылудан бас тартқан алматылықты өртеп жіберген
