Танымал қазақстандық әнші Қайрат Нұртас әлеуметтік желіні тағы да дүрліктірді. Бұл жолы ол сахнадағы әріптесі, әнші Назимаға бір құшақ гүл сыйлаған сәті жұрт назарына ілікті, деп хабарлайды Qazaq.today ақпарат порталы.

Желі қолданушыларының бір бөлігі мұны алдағы уақытта жарық көретін бейнеклиптің түсірілімінен үзінді деп болжауда. Ал енді бірі «жақында бесінші рет ана атанған жұбайына сыйлағаны орынды болар еді» деген пікір қалдырды.

– «Бұл не болғаны? Жұлдыз ба деп қуанып отырсақ»
– «Қайраттың Жұлдызға қашан гүл беретініне әлі күтіп жүрміз»
– «Ана жақта әйелі босанып жатыр, бұл болса…»
– «Әр қызға бергенше, әйеліне бермей ме» – деп жазды пікір иелері.

Кейбір жанкүйерлер Қайраттың жұбайына арнаған сыйы деп ойлап қалғанын да жасырмады.

Ал нағыз жанкүйерлердің бірі бұл жағдайды өлең жолдарымен жеткізген:

«Ауыр сөз айтылғаны бейберекет,
Жеке өмір – Қайраттың өз еркі, өз әдет.
Гүл сыйлады деп жаман ойға бармаңыз,
Назимаға әріптестік сыйластықтан ғана жет».

Әнші Ерке Есмахан Instagram парақшасында белгілі журналист Ләйлә Сұлтанқызына ашық ренішін білдірді, деп хабарлайды Qazaq.today ақпарат порталы.

Жуырда Ләйлә Сұлтанқызы өзінің YouTube арнасында пластикалық хирургтарды қонаққа шақырып, отандық жұлдыздардың қайсысы қандай ота жасатқаны туралы сұхбат жүргізген еді. Дәрігерлердің әңгімесінде Ерке Есмаханның есімі де аталған.

Дәрігерлердің айтуынша, ол жағына, көзіне пластикалық ота жасатқан. Қазақстанда сұраныс жоқ болғандықтан, Кореяда жасатқаны туралы болжам айтты.

Бұл жағдай әншінің шамына тиген сияқты. Ол өзінің сторисінде Ләйләға тікелей жазып, мұндай қадамды күтпегенін мәлімдеді:

«Ләйлә ханым, сіздікі жәй ма? Сұхбаттастарыңыздың айтып отырған қорқынышты нәрселерінің ешбірін мен бетіме жасатпағанымды сіз өте жақсы білесіз. Менімен жақын сыйлас әпкем ретінде өтірікке жол бермей, қорғаудың орнына, өзіңіз талқыға салып отырғаныңыз таңғалдырды», – деді Ерке.

Сондай-ақ ол өзінің артынан айтылған әңгімелерге мән бермейтінін, алайда жақын адамдардың атын хайп пен қаралым үшін пайдалануын құптамайтынын айтты.

«Өмірде жақын деп жүрген жандардың менің атымды хайп пен қаралымға пайдаланғаны ұнамайды. Себебі өзім ондай адам емеспін!», – деп жазды ол.

Бұл оқиға әлеуметтік желіде қызу талқыланып, көпшілік Еркені жақтап жатыр. Ал Сұлтанқызы тарапынан әзірге жауап берілген жоқ.