Тележурналист Ләйлә Сұлтанқызы танымал әнші, хитмен Қазыбек Құрайышқа қыз іздейтінін жасырмады, деп хабарлайды Qazaq Today ақпарат порталы.

БАҚ өкілі әншінің қыз таппай жүргенін айтып қалды.

«Бір сыдырғы інімнің биыл тойына барайық, ағайын. Жастар таныссын, үлкендер көмектессін, жеңгелер жеңгетай болсын. Несі бар… Жақсы бір ойым, ниетім ғана», – деп жазды медиа маманы.

Сондай-ақ, ол қыздардың резюмелерін өзі қабылдайтынын, Қазыбекке қандай қыздар ұнайтынын білетіндігін айтып әзілдеді.

“Қыздар, бүгіннен бастап резюмені мен қабылдаймын. Tik Tok шулап жатыр екен, Қазыбектің қызы бар деп. Өсек таратпаймыз. Қызы туралы кеше сұрадым. Жоқ екенін айтты. Керемет қыз бұйырсыншы, шабыты ашылып, бізге күшті-күшті өлеңдерін айтады”, – деді тележурналист.

Кәсіби рингте өзін дәлелдеген, ал енді жанкүйер жүрегін жаулаған Назым Қызайбай тағы да ел назарында. Бұл жолы – спорттағы жетістігімен емес, шынайы мейірім мен табиғатқа деген сүйіспеншілігімен.

Қазақстан әйелдер құрамасының капитаны Instagram-да жылқымен түскен суретін бөлісті. Фотоның астына тек жүрекшелер бейнеленген эмодзи ғана қалдырылған. Бірақ сол қарапайым белгінің артында көп мағына жатыр.

Жылқы – қазақ үшін киелі жануар. Назымның бұл фотосы оның тек спортта емес, рухани жақтан да терең тұлға екенін көрсетеді.

Боксшының жазбасы әлеуметтік желі қолданушыларынан қызу қолдау тапты. Қысқа уақыт ішінде суретке жүздеген жүрекше мен жылы пікірлер түсті. Көпшілік Назымның нәзік те, қайсар болмысын ерекше бағалағанын байқатты.

Еске сала кетсек, 2025 жылы Сербияның Ниш қаласында өткен әйелдер арасындағы әлем чемпионатында Назым Қызайбай алтын медаль жеңіп алды. Бұл – оның әлемдік аренадағы үшінші жеңісі. Осылайша, ол Қазақстан тарихындағы алғашқы үш дүркін әлем чемпионы атанды.

Танымал әзілкеш, актер Қанат Әлжаппаров киноға қалай келгенін әзілмен жеткізді, деп хабарлайды Qazaq Today ақпарат порталы Azattyq Rýhy-на сілтеме жасап. 

Актерден әріптестерінің бірі киноға қалай келгенін сұрайды.

«Төсек арқылы келдім. Жатқанмын ғой ұйықтап, төсегімде. Продюсер қасыма келіп жатып алды, киноға түсші деп», — деп әзілдейді Қанат Әлжаппаров.

Алайда актердің бұл әзілін желі қолданушылары оң қабылдай қойған жоқ.

«Өте мағынасыз сөйлейді, елге арзан күлкі керек», «Мәдениеттен жұрдай осындайлардың заманы болып тұр ғой, этикадан жұрдай», «Ұят жоқ, не деп отырғанын біле ме екен», «Күлдіріп отырып, шындығын айтқан шығар», «Шындық көз шұқиды, деген. Күлдіріп отырып кейбіреудің қытығына тиіп кетті», — дейді актер.

Танымал әнші Ғаділбек Жанай жақында жаңа әнінің тұсауын кеспек, деп хабарлайды Qazaq Today ақпарат порталы.

Желідегі парақшасына әйелінің видеосын жүктеген әнші, ешқашан ажыраспайтынын айтқан.

«Ешқашан ажыраспаймыз! Бейсен ағамның сөзін әнге қостым. Бұйыра, жақында», — деп жазды Ғаділбек Жанай.

Осы тұста әншінің тыңдармандары бұл сөздерге қарсы шықты.

«Ешқашан ажыраспаймын деп, ажырастым. Бәрі бір Алланың қалауымен», «Біз ажыраспадық, бізді Алла ажыратты», «Ешқашан ешқашан деп айтпа! Алдыңда не тұрғанын білмейсің», «Менен азарт артық болды», — деп жазды олар.