Шығыс Қазақстан облысы Риддер қаласында техногендік сипаттағы төтенше жағдай режимі алынды, деп хабарлайды Qazaq.today ҚазАқпарат-қа сілтеме жасап. 

ШҚО әкімдігінің мәліметінше, «Риддер ЖЭО» АҚ иесі ауысқалы бері ақаулар тыйылып, жылу мәселесі шешімін тауып келеді.

Қазіргі уақытта орталық штаттық режимде жұмыс істеп тұр.

ЖЭО иелері келесі жылыту маусымына дейін жүргізілетін жөндеу жұмыстарының кестесін жасауда.

«Осындай қиын кезде дүрбелеңге бой алдырмай, қауесеттерге сенбей, болып жатқан жағдайларға түсіністікпен қараған Риддер қаласының тұрғындарына алғысымды білдіремін. Риддер әкіміне жылу электр орталығының қазір ақаусыз жұмыс істеуіне байланысты қаладағы жергілікті ауқымдағы техногендік сипаттағы төтенше жағдай режимін алып тастауды тапсырдым», — дейді облыс әкімі Даниал Ахметов.

Осылайша, Риддерде енгізілген төтенше жағдай барлығы үш айға созылып отыр.

Еске салсақ, қаңтар айында Риддердегі жылу электр орталығының иесі ауысқанын хабарлаған едік.

Qazaq.today

Премьер-министрдің орынбасары – Сауда және интеграция министрі Серік Жұманғарин пияз бағасы өсті деген сөзбен келіспейтінін айтты, деп хабарлайды Qazaq.today Ulysmedia.kz-ке сілтеме жасап. 

Сенат кулуарында журналистер Жұманғариннен пияз бағасының қымбаттау себебін сұраған.

«Мен сізбен келіспеймін. Баға қазіргі уақытта тұрақтанды. Әрине, сіздер айтпасаңыздар, пияз мәселесін адам білмейтін еді. Бірақ БАҚ-тың сондай күші бар. Пияз деген жетеді. Экспортты жауып тастадық. Пияз деген Қазақстанда жеткілікті. Баға – 130 теңге. Астанада «Магнум» дүкеніндегі баға сондай. Кеше «Магнум» өзі тексеріс жүргізіп, тауарды кезек-кезекпен қайта-қайта алып, базар арқылы сатып жатқан 19 кісіні анықтады. Ол деген дұрыс емес қой. Біз осы тауарды халыққа арзандатып, 130 теңгеден сатып жатырмыз», — дейді ол.

Жұманғариннің айтуынша, азық-түліктің сапасы төмен деген әңгіме басталған.

«Барып тексердік. Сапасы жақсы. Әрине, арасында кесілгені, езілгені болады. Картопта да сондайы кездеседі. Әрбір әкімдікке индикациялық баға бердік. Осындай бағамен сатасыз деп. Биыл инфляцияның деңгейі 9,5 пайыздан аспайды. Соған байланысты Статистика бюросымен бірігіп бағаның индикаторларын жасадық. Дұрыстап айналым схемасы арқылы алған әкімшілік шығын көрмейді. Кезінде пиязды қорларға салып 45-50 теңгеден алуға болатын еді. Картоп 60-70 теңгеден болды. Делдалдар арқылы алып жатқандарға әрине қиын», — дейді шенеунік.

Пияздың қымбаттауына журналистер кінәлі ме деген сауалға министр: «Олай айтқан жоқпын. Бос жарнама жасамасаңыздар. Пияз жеткілікті, ешқандай даурығудың қажеті жоқ» деп ескертті.

Qazaq.today