Фото: Ақорда
Қасым-Жомарт Тоқаев Беларусь Республикасының президентімен телефон арқылы сөйлесті. Бұл туралы Ақорданың баспасөз қызметі хабарлады.
Мемлекеттер басшылары қазақ-беларусь қарым-қатынасының қазіргі жай-күйі мен даму перспективасын талқылады. Сондай-ақ саяси диалог жоғары деңгейде және сауда-экономикалық, гуманитарлық салалардағы ынтымақтастық дәйекті түрде дамып келе жатқанын атап өтті.
Тараптар халықаралық күн тәртібінің өзекті мәселелері жөнінде пікір алмасты.
Қазақстан Президенті Минскіде өтіп жатқан Еуразиялық қауіпсіздік жөніндегі конференцияның маңызына тоқталды.
Мемлекеттер басшылары алдағы бірлескен іс-шаралар аясындағы тығыз ықпалдастықты жалғастыруға уағдаласты.
Фото: Видеодан алынған кадр
Қазақтар түп-тамырын толығымен білмейді. Әсіресе тарихшы, ғалымдарымыз Алаш тарихын түкке тұрмайтын маңызы жоқ құбылыс ретінде қарайды. Алаш идеясының астарында көп мән-мағына жатыр. Мемлекетті неге Қазақ емес, неге Алаш автономиясы деп атады? Өйткені Әлихан Бөкейханов мұның жауабын 1913 жылы «Қазақ» газетіне жазған «Қазақ тарихы» мақаласында жазып кетті. Бұл туралы әлихантанушы-ғалым, халықаралық журналист, филология ғылымдарының кандидаты, «Алаш» ғылыми-зерттеу институтының директоры Сұлтан Хан Аққұлы Qasqa Jol YouTube-арнасына берген сұхбатында айтты, деп жазды Qazaq Today ақпарат порталы.
«Жалпы, ХХ ғасырдың басындағы ұлт-азаттық қозғалысқа ғылыми және тарихи тұрғыдан баға беріліп жатыр. Дегенмен, жан-жақты толық баға берілді деп айта алмаймыз. Өйткені «Алаш» қозғалысының, «Алаш» автономиясының, «Алаш» идеясының, «Алаш» партиясының тарихи маңызы әлі терең зерттелген жоқ. Тәуелсіздігіміздің ширек ғасырлық тарихында «Алашорда» қозғалысына саяси баға беру жайлы талпыныс та болмай отыр. Әлихан Бөкейханның аты бізде «Алаш» идеясымен қатар ауызға алынады. Әлихан Бөкейхан десек, «Алаш» қозғалысы, «Алаш» қозғалысы десек, Әлихан Бөкейханды ойымызға аламыз. Өйткені ұлт-азаттық қозғалысы мен Әлихан Бөкейхан аты біте қайнасып кеткен. Біз бүгінгі Қазақстанның негізі «Алашорда» автономиясынан бастау алатынын ескере бермейміз», — дейді ол.
Ғалымның айтуынша, Алаш идеясының астарында Әлиханның идеологиясы жатыр. Түркі тілдес халықтарды дін негізінде емес, тіл мәдениет, шаруашылық негізінде біріктіру.
«Тарихшылардың шатасып та, жұртты шатастырып та жүрген бір мәселесі бар. Ол «Алаш» партиясының ішіндегі пікір еркіндігін, идея еркіндігін түсінбеуі. Мысалы, 1917 жылы ІІ жалпы қазақ съезінде Халел және Жанша Досмұхамедұлы бастаған зиялылар тобы «Алаш» автономиясын бірден жариялайық дейді. Екінші, Әлихан бастаған басым көпшілігі құрылтай жиналысын күтейік деп дауласады. Сөйтіп, «Алаш» автономиясы жарияланды. Бұл Алаш қайраткерлері арасындағы дау-дамай емес, тактика мәселесіндегі дау болды. Керісінше, бұл «Алаш» партиясының ішінде ой еркіндігі, пікір еркіндігі болғандығын көрсетеді. Яғни, «Алаш» қазіргі заманға сай демократиялық партия болған. Екіншіден, «Алаш» автономиясы құрылғаннан кейін, екінші жалпы қазақ съезі «Алашорда» үкіметіне 1 айдың ішінде Сырдария, Каспий маңындағы қазақтар бізге қосыла ма, жоқ па, соны анықтап, «Алаш» автономиясын жариялаңыздар деген ерік берді», — деді ол.
Бұл туралы Ақорданың баспасөз қызметі мәлім етті, деп хабарлайды Qazaq Today ақпарат порталы.
Президент өз құттықтауында Қазақстан мен Чехия арасындағы достық пен өзара тиімді ынтымақтастықтың мықты негізі мен жоғары әлеуеті бар екеніне тоқталды. Ол екі елдің сан түрлі ықпалдастығы қос халықтың игілігі үшін нығая түсетініне сенім білдірді.
Қасым-Жомарт Тоқаев Петр Павелдің жауапты қызметіне табыс, сондай-ақ чех халқына құт-береке тіледі.
Ақордада кадрлық ауыс-түйіс болды, деп хабарлайды Qazaq Today ақпарат порталы.
Бұл туралы Ақорда мәлімдеді.
Мемлекет басшысының өкімімен Абзал Нүкенұлы Нүкенов Қазақстан Республикасы Президенті Әкімшілігінің Ішкі саясат бөлімінің меңгерушісі лауазымынан босатылды, — делінген хабарламада.
