Бельгия маймыл шешегіне байланысты міндетті карантин енгізген бірінші ел болды. Бұл туралы Daily Mail басылымына сілтеме жасап Qazaq.Today жазды.

Бельгияда маймыл шешегінің 3 жағдайы тіркелгеннен кейін елдің денсаулық сақтау органдары 21 күндік карантин енгізді, ал жұқтырған науқастар енді 3 апта бойы өзін-өзі оқшаулауға мәжбүр болады. Пациенттермен байланыста болған адамдар әлі оқшауланбаған, бірақ оларға симптомдардың ықтимал көрінісін бақылау ұсынылады. 

Бұл індет ғалымдарды таң қалдырды деп айтылады, бірақ жалпы жұртшылық үшін қауіп төмен деп саналады. Ұлыбританияның Ұлттық денсаулық сақтау қызметінің мәліметінше, вирус жұқтырған адамдардың көпшілігі бірнеше апта ішінде сауығып кетеді.

22 мамырда Жарма ауданындағы Алматы — Өскемен тасжолында жол апаты болды, — деп хабарлайды Tengrinews.kz.

Полиция мәліметінше, жеңіл көлік трактордың тіркемесіне соғылған.

«Nissan Cefiro маркалы автомобильдің 36 жастағы жүргізушісі Алматы облысының Текелі қаласы жақтан Қалбатау ауылына қарай 959-шақырымда қауіпсіз қозғалыс жылдамдығынан асырып, ілеспе бағытта келе жатқан «Беларус 82.1″ маркалы трактор тіркемесінің артқы бөлігіне соқтығысты», — деп хабарлады полицейлер.

Апат салдарынан оқиға орнында 36 жастағы көлік жүргізушісі мен төрт жолаушы қаза болды. Жарақат алған тағы бір адам ауруханаға жатқызылды.

Полиция ҚК-нің 345-бабының 4-бөлігі «Көлiк құралдарын басқаратын адамдардың абайсызда екi немесе одан да көп адамның өлiмiне әкеп соққан жол жүрісі немесе көлiк құралдарын пайдалану қағидаларын бұзуы» бойынша тергеу бастады.

Бұған дейін құбырлы көпірдің шайылып кетуіне байланысты Алматы — Өскемен тасжолындағы жол учаске жабылғаны белгілі болған.

Алматы облысындағы Кербұлақ ауданында екі ауылды су басты, — деп хабарлайды Tengrinews.kz тілшісі. Зардап шеккендер мен қаза тапқандар жоқ.

Алматы облысы ТЖД баспасөз қызметінің хабарына қарағанда, ауылдарды су басу туралы шақыру кезекші пультіне түскен жоқ. Өткен кеште әлеуметтік желілерде хабарламалар мен видеолар пайда болған. Сөйтсек, Байғазы және Қоғалы ауылдарында жауын-шашыннан бірнеше көшені су басқан.

«Қоғалы ауылында көлбеу ағын пайда болды, кейіннен су Панфилов, Жандосов және Тобаяқов көшелерімен өтті, сондай-ақ Жандосов көшесіндегі бір аула аумағынан су ағып өтті, үйлерді су басқан жоқ. Сағат 18.00-дегі жағдай бойынша жауын-шашын тоқтап, су деңгейі төмендеді», — деп хабарлады ТЖД баспасөз қызметі.

Ал Байғазы ауылында жергілікті өзендегі су деңгейі көтеріліпті. Нәтижесінде бірнеше үйдің аулалары зардап шекті.

«Өзен арнасынан шыққан су Абай көшесі бойынша 2 бақшаны және Абай көшесіндегі тұрғын үйлердің ішінара аула аумақтарынан ағып өтті. Қаза болғандар, зардап шеккендер жоқ және қирау болған жоқ, жағдай тұрақты», — деді ведомстводағылар.

Оқиғаның себебін анықтау үшін ауылдарға ТЖ департаментінің қызметкерлері шықты.

Бұған дейін құбырлы көпірдің шайылып кетуіне байланысты Алматы — Өскемен тасжолындағы жол учаске жабылғаны белгілі болған.