Фото: видеодан скрин
Блогер әрі әнші Daricorn лақап атымен танымал өнерпаз Алматыда өткен концертте сахнаға шығып, бірден көпшіліктің назарын аударды. Ерекше образы мен ашық стилі көрермен қауымды екіге бөліп, әлеуметтік желіде қызу талқы тудырды, деп хабарлайды Qazaq Today ақпарат порталы.
Концерттен тараған видеолар желіде жылдам тарап, пікірлер легін күшейтті. Бір топ қолданушы Daricorn-ның сахнадағы еркіндігін, өзіндік стилін қолдап, батылдығын жоғары бағаласа, енді бірі оның бейнесін тым ашық әрі орынсыз деп сынға алды.
Желіде мынадай пікірлер жазылды:
«Неге әнші? Ондай атақты кім берген?», «Көре алмайды, жарайсың!», «Маған қатты ұнады, өте керемет», «Тоқтама, бір күні міндетті түрде хит болады», «Сахна өзіне жарасады», «Сахнаның сәні кетті, кім болса сол ән айтатын болды», «Сахнада шешінбесе болмай ма?».
Daricorn-ның өнері мен образы қоғамда даулы пікір тудырғанымен, бір жайт анық — ол көрерменді бейжай қалдырмайды. Қолдау мен сын қатар жүрген сайын оның есімі жиі аталып, талқының өзегіне айналып келеді. Ал бұл қазіргі шоу-бизнес үшін танымалдылық пен назардың басты көрсеткіштерінің бірі саналады.
Посмотреть эту публикацию в Instagram
