Фото: Kursiv.media
Шымкент әкімі Ғабит Сыздықбеков бұрынғы орынбасары Руслан Берденовке жасалған қарулы шабуыл туралы айтты. СЦК-дағы брифингте журналистер әкімнен әлеуметтік желі қолданушыларының сын-пікірлерін атап, оқиға бойынша үнсіз қалғаны үшін оны «қатігездікке» балай бастағанын еске салды, деп хабарлайды Qazaq.today.
Алайда Сыздықбеков мұндай айыптауларды жоққа шығарып, үнсіздігінің себебін түсіндірді.
«Қатігездікке не қатысы бар? Мен әкім ретінде қылмыстық немесе әкімшілік іске араласуға құқығым жоқ. Ол үшін арнайы органдар бар. Сот өз шешімін шығарды. Ал менің процеске пікір қосуым тергеуге кедергі келтірер еді. Хейт болды дегенмен де келіспеймін. Ондай хейт болған жоқ. Бір-екі адам жазған шығар», – деді қала басшысы.
Әкімнің айтуынша, Шымкентте 2 миллионнан астам адам тұрады, әрқайсысының болған оқиғаға қатысты өз ойы бар.
