Фото: freepik.com
Әр жылы 11 желтоқсанда әлемнің көптеген елінде бронх демікпесі (астма) секілді тыныс алу жолдарының созылмалы ауруларына қоғам назарын аудару мақсатында арнайы күн атап өтіледі. Бұл күн — тек ақпарат тарату емес, сонымен қатар алдын алу, дер кезінде диагноз қою және дұрыс емдеудің маңызын еске салатын маңызды күн, деп хабарлайды Qazaq.Today ақпарат порталы.
Бронх демікпесі — тыныс жолдарының созылмалы қабынуы, ол тыныстың тарылуына, жөтелге, ентігуге және ысқырықты тыныс алуға әкеледі. Бұл аурудың асқынуы адамның өмір сапасын төмендетіп, тіпті өлімге де алып келуі мүмкін.
Аурудың себептері:
— Тұқым қуалаушылық
— Аллергендерге (шаң, тозаң, жануар жүні, тағам т.б.) әсер
— Инфекциялар
— Стресс және экология
— Темекі түтіні және ластанған ауа
Қазақстанда да бронх демікпесімен ауыратын адамдар саны жылдан-жылға артып келеді. Балалар арасында да жиі кездеседі. Дәрігерлер ерте анықтаудың және күнделікті бақылаудың маңызын ерекше атап өтеді.
Бұл аурудың белгілері болса, міндетті түрде дәрігерге қаралу керек. Астмасы бар жандарға тыныс алу гимнастикасы мен дәрігер ұсынған ем-домды үзбей жүргізу тиіс.
11 желтоқсан — тек дәрігерлер үшін емес, бүкіл қоғам үшін маңызды күн. Бұл — тыныс алу денсаулығына көңіл бөлетін, бірге әрекет ететін және мыңдаған адамның өмір сапасын жақсартуға мүмкіндік беретін күн.
