Фото: © istockphoto.com
Синоптиктер 29 қараша күні Астана, Алматы, Атырау, Ақтөбе және Орал қалаларында ауа сапасының нашарлауы мүмкін екенін ескертті, деп хабарлайды Qazaq.today порталы.
«Қазгидромет» мәліметінше, аталған қалаларда қолайсыз метеорологиялық жағдай болады.
Бұл – тыныш ауа райы, әлсіз жел, тұман және инверсия сияқты қысқа мерзімді метеофакторлардың қосындысы, олар зиянды заттардың ауада шоғырлануына әсер етеді.
Мамандар кеңесі
Мамандар мұндай кезде тұрғындарға далада ұзақ болмауға, әсіресе автокөлік жолдарының маңында серуендемеуге кеңес береді.
Ал жүрек-қан тамырлары, тыныс алу жүйесі немесе аллергиялық аурулары бар азаматтар далаға шыққанда өзімен бірге дәрі-дәрмектерін алып жүруі қажет.
Қолайсыз метеожағдай деген не?
Қолайсыз метеорологиялық жағдай – атмосфералық ауаның ластануына әкелетін табиғи құбылыс.
Ол кезде ауа массаларының қозғалысы баяулап, зиянды бөлшектер жердің төменгі қабатында ұзақ сақталады.
