Ол журналист Аман Тасығанмен әңгіме барысында әке атанғаннан кейінгі өзгерістер мен сезімдері туралы бөлісті.
Блогер кейбір таныстарының әрекетіне көңілі толмағанын да жасырмады.
«Бұрын достарыма «көрімдікті доллармен береміз» деп қалжыңдайтынмын. Олар да солай қабылдайтын. Өзім ұмытып кетсем, олар шынымен 100–200 доллардан әкеліп жатыр. «Әке болсаң, көлік, пәтер бізден» деп әзілдеген ағалар болды. Бірақ солардың біразы құттықтап та жазбаған. Мүмкін, маған мотивация болсын деді ме, білмеймін. WhatsApp-та ашылмаған хаттарым әлі тұр, солардың арасында бар шығар. Керісінше, күтпеген жерден хабарласып, құттықтаған адамдар көп болды. Бұрын араласпай кеткен таныстардың өзі хабарласқанда көңілің елжірейді екен», – деді ол.
Алайда Елдостың бұл пікірі жұрттың бір бөлігіне жақпай қалды.
«Балаңның болғаны – өзіңнің міндетің», «Сенде Мөлдірден артық ештеңе жоқ шығар», «Құттықтау күтетін әже ме едің?» «Өкпелеудің қажеті жоқ, ешкім саған міндетті емес», «Әңгімең әйел адамдікі сияқты», «Жаңа туған балаң бар деп неге сонша айта бересің?» деген секілді сын пікірлер қарша борады.
Посмотреть эту публикацию в Instagram
