Фото: Total.kz
Маркетплейстерде банктердің сатушылардан алатын комиссиялары 5%-дан 25%-ға дейін жетеді. Бұл туралы Қаржы нарығын реттеу және дамыту агенттігінің төрағасы Мәдина Әбілқасымова айтты, деп хабарлайды Qazaq Today ақпарат порталы.
«Маркетплейстерге қол жеткізу үшін барлық компания комиссия төлейді. Біз талдау жүргіздік, банктер бойынша комиссиялардың мөлшерін қарап, олардан бүкіл ақпаратты сұраттық. Сатушылардан ұстап қалатын комиссиялар көлемі 5%-дан 25%-ға дейін жетеді», – деді ол.
Оның сөзінше, тауар маркетплейске орналастырылған кезде сатушы өз тауарын толық төлеммен алады және сатып алушының оны қалай төлегенін, яғни, бөліп төлеу арқылы әлде қолма-қол ақшаға алғанын білмейді.
