Фото: ҚБФ
Делиде өтіп жатқан Бокс бойынша әлем кубогының финалдық кезеңінде жартылай финалдық жекпе-жектер жалғасуда. 80 келі салмақта Қазақстан атынан шыққан Санжарәлі Бегалиев финал жолдамасы үшін британдық Шиту Оладимеджимен кездесті, деп хабарлайды Qazaq Today ақпарат порталы 1bol.kz-ке сілтеп.
Алғашқы раундта төрешілер айқын басымдықты қарсыласқа берді – 5:0. Екінші раундта да Оладимеджи жеңіске лайық деп танылды (3:2).
Үшінші раундта да төрешілер жекпе-жек Шиту Оладимеджидің басымдығымен өтті деп таныды. Осылайша, Бегалиев турнирдің қола жүлдегері атанды.
Айта кетейік, Санжарәлі Бегалиев — 2024 жылғы жастар арасындағы әлем чемпионы (75 кг). Биыл ол 80 келі салмақ дәрежесінде дебют жасап, U-22 Азия чемпионатының алтынын және ересектер арасындағы Қазақстан чемпионатының қоласын жеңіп алған.
