Фото: видеодан скрин
Кеше Алматыда өткен «Қазақ аруы – 2025» ұлттық сұлулық байқауында Талдықорған қаласының атынан қатысқан Дәрия Қуатжан жеңімпаз атанды, деп хабарлайды Qazaq Today ақпарат порталы.
Байқаудың жеңімпазы халықтың дауыс беруі арқылы таңдалды. Дауыс беру нәтижелері жобаның Instagram-дағы ресми парақшасында жарияланды.
Финалдың қорытындысы бойынша Дәрия Қуатжан 26 376 дауыс жинап, басты бәсекелесінің бірі Диана Қырымды (13 160 дауыс) екі есеге жуық басып озды. Үздік үштікті Дариға Рахым (11 045 дауыс) түйіндеді.
Алайда желі қолданушылары блогердің аудиториясы рөл ойнап кеткенін айтып, байқаудың әділетсіз өткеніне шағымданды.
«Әділетсіз өтті блогер қыздар сайсы деп ауыстыру қажет келесі жылы», «Дұрыс емес мынау дауыс беру», «Аудиториясы көп болғаннан кейін ұтқан ғой», деді олар.
Дәрия – жас кәсіпкер, дизайнер. Жоба ұйымдастырушылары оның ұлттық өнер мен дәстүрлі ою-өрнектерден шабыт алатынын атап өтті. Ол осы өнер арқылы «қазақ мәдениетінің рухын жеткізуді» мақсат етеді.
Айта кетейік, былтыр ұлттық сұлулық байқауында Қызылорда облысының тумасы, 17 жастағы Ақкербез Ысқаққызы “Қазақ аруы – 2024” атанған еді. Алайда желі қолданушылары арасынан байқау әділетсіз өтті деп санағандар көп болды.
Посмотреть эту публикацию в Instagram
