Фото: kazface.kz
Кейбір банктердің қызметкерлеріне ипотекалық несие беру міндеттеліп отыр, деп хабарлайды Qazaq Today ақпарат порталы.
Сарапшылар мен депутаттар бұл тәжірибені сынға алып, халықты қарызға кіргізудің жүйелі проблемаға айналғанын айтады. Қаржы саласындағы деректерге сүйенсек, банк басшылары өз қызметкерлеріне клиенттерге несие беруді міндеттейді. Бұл жағдайда банк қызметкерлері тек көрсеткішті орындау үшін әрекет жасайды, ал азаматтар заңсыз немесе оларға ауыр шарттармен несиеге батырылуы мүмкін. Экономистердің пікірінше, бұл жүйе халықты қарызға тәуелді етуге бағытталған, ал заң мен реттеуші органдардың бақылауы жеткіліксіз.
«Қарапайым азаматтар банктің ішкі көрсеткіші үшін жауапкершілікке тартылмауы тиіс», – дейді мамандар.
Бұл мәселе әсіресе ипотекалық несиелерде айқын көрініс табады: кейбір адамдар өз еркімен несие алмаса да, олардың атына кредит рәсімделген жағдайлар жиі тіркеледі. Қаржы саласының бақылау органдары мен қоғам өкілдері банктердің бұл тәжірибесін қатаң тексеруді және заңсыз әрекеттерге қарсы шаралар қабылдауды талап етіп отыр.
