«Астана–Петропавл» тасжолының 289-шақырымында Hyundai Santa Fe көлігі мен КамАЗ-55111 жүк көлігі соқтығысып, жасөспірім қыз қаза тапты.
Полиция департаментінің хабарлауынша, 16 жастағы жолаушы жедел жәрдем көлігінде жан тапсырған. Тағы бір 65 жастағы әйел түрлі жарақаттармен ауруханаға жеткізілді.
Қазіргі уақытта аталған факті бойынша сотқа дейінгі тергеу жүріп жатыр. Оның қорытындысы бойынша процессуалдық шешім қабылданады.
Департамент жол қозғалысына қатысушыларға жылдамдықты шектен асырмау және көліктің техникалық жағдайын мұқият қадағалау қажеттігін ескертті.
