Фото: Pixabay
Қытайдың оңтүстігіндегі Гуандун провинциясында «Тапа» тайфунының салдарынан мектептер жабылып, жаппай эвакуация жүргізілді, деп жазады Qazaq Today ақпарат порталы.
Ал Цзянмэнь қаласының қауіпті аймақтарынан 41 мыңнан астам тұрғын қауіпсіз жерге көшірілген.
Апат салдарын жою үшін Цзянмэньде 43 ерікті теңіз құтқару жасағы жасақталып, 30 кеме дайындалды. Тайшаньда 3,3 мыңнан астам құтқарушы кезекшілік атқарса, көршілес Янцзян қаласында тұрғындарға арналған уақытша баспаналар ашылды.
Метеорологтардың мәліметінше, тайфун Цзянмэнь аумағына жеткенде желдің жылдамдығы секундына 30 метрге дейін жеткен. Табиғи құбылыс нөсер жауын мен қатты дауылмен бірге жүрген.
Синоптиктер «Тапа» тайфунының солтүстік-батысқа қарай сағатына шамамен 20 шақырым жылжып, біртіндеп әлсірейтінін болжауда.
