Фото: Pixabay
Алматыда кейбір компаниялар өздерін түрлі тауарлардың сату бөлімдері ретінде көрсетіп, шын мәнінде кәмелетке толмағандарды топтық алаяқтыққа тартып жатқаны белгілі болды, деп жазады Qazaq Today ақпарат порталы.
Куәгерлердің айтуынша, аталған жағдайға байланысты құқық қорғау органдарына берілген арыздар қараусыз қалып отыр. Бұл – қала тұрғындары арасында үлкен алаңдаушылық туғызды. Жасөспірімдерді қылмысқа араластыру – заңға қайшы әрекет қана емес, қоғамның болашағына қауіп төндіретін қылмыс.
Сарапшылар мұндай құбылыс көбіне әлеуметтік желілер мен «жылдам ақша табу» уәделері арқылы жүзеге асатынын айтады. Қала тұрғындары құқық қорғау органдарынан нақты шара қабылдауды талап етуде.
«Егер бүгін қатаң бақылау орнатылмаса, ертең бұл мәселе бақылаудан шығып кетуі мүмкін», – дейді тұрғындардың бірі.
Қалалық полициядан осы деректерге байланысты тексеріс жүргізіп, кінәлілерді жауапқа тартуды сұраймыз.
