Кремльдің көмекшісі Юрий Ушаков 15 тамызда Аляскада Ресей президенті Владимир Путин мен АҚШ-тың президенті Дональд Трамптың кездесуге дайындығы аяқталғанын хабарлады. Оның айтуынша, келіссөздердің басты тақырыбы Украинадағы дағдарысты реттеу болады. Кездесудің бағдарламасы келісілген: алдымен екі президент бетпе-бет сөйлесіп, кейін құрамдарымен бірге отырады.
Ушаковтың айтуынша, кездесу Алясканың Анкоридж қаласында жергілікті уақытпен 11:30-да (16 тамызға қараған түнгі 00:30 Астана уақытында) басталады. Ресей делегациясының құрамында Сыртқы істер министрі Сергей Лавров, Ушаковтың өзі, Қорғаныс министрі Андрей Белоусов, Қаржы министрі Антон Силуанов және Ресейдің тікелей инвестициялар қорының басшысы Кирилл Дмитриев болады. Келіссөздер соңында Путин мен Трамп бірлескен баспасөз конференциясын өткізеді.
Бұған дейін Трамп пен Путин Украинаны бейбіт келісімге келтіру үшін территориялық алмасуды қамтитын келісім туралы талқлайтыны айтылған. Кейбір батыс басылымдары АҚШ Путинге украиндық Донбасстың қалған бөлігін соқысты тоқтату алмасына алмасу ретінде ұсынғанын жазды. Украина президенті Владимир Зеленский Киев өз жерін бермейтіндігін атап өтті.
