Фото: Pixabay
Оқиға уақытында пәтерде әйел мен балаларынан басқа ешкім болмағаны анықталды, деп хабарлайды Qazaq Today ақпарат порталы.
Жедел жәрдем қызметі сағат 13:06 шамасында оқиға орнына барып, екі баланы ауыр хәлде облыстық балалар ауруханасына жеткізген. 5-қабаттан балаларын лақтырған, артында өзі де секіріп кеткен әйелдің жағдайы ауыр.
Облыстық жедел медициналық жәрдем станциясының мамандары оқиға орнына жедел жеткен.
– Нұрмағамбетов көшесіндегі үйлердің бірінде әйел 5-қабаттан екі баласын терезеден лақтырып, өзі де секіріп кеткен. Бірінші санаттағы шұғыл әрекетпен үш жедел жәрдем бригадасы жолданды, – делінген мәлімдемеде.
Әйелдің мұндай қадамға неліктен барғаны белгісіз. Ол қазір Павлодар қалалық № 1 ауруханаға жеткізілген.
Павлодар облыстық бала құқығы жөніндегі аймақтық уәкіл Сәуле Шәкенованың айтуынша, зардап шеккен балалар 1,5 және 5 жаста.
