Қазақстанда қайырымдылық ұйымдарының қызметіне қойылатын талаптарды күшейту жоспарланып отыр. Бұл туралы Мәдениет және ақпарат вице-министрі Қанат Ысқақов мәлім етті, деп хабарлайды Qazaq Today ақпарат порталы.
– Қайырымдылық туралы заңға бірнеше бағыт бойынша өзгерістер енгізіледі. Біріншіден, азаматтарды қайырымдылық көмек көрсетуге ынталандыру көзделіп отыр. Екінші мәселе, жариялылық пен есептілік қамтамасыз ету. Барлық қайырымдылық ұйымы есебін бұқаралық ақпарат құралдарында жариялауға міндетті болады, — деді Қанат Ысқақов Үкімет үйінде өткен баспасөз мәслихатында.
Вице-министрдің айтуынша, бүгінде тиісті өзгерістерді әзірлеумен айналысатын жұмыс тобы құрылды.
