Мьянма премьер-министрі Мин Аун Лайн жер сілкінісі салдарынан адамдардың қаза табуына байланысты 31 наурыз бен 6 сәуір аралығын ұлттық аза тұту деп жариялады, деп хабарлайды Qazaq Today ақпарат порталы.
«Адамдардың қаза табуына байланысты 31 наурыздан 6 сәуірге дейінгі аралық ұлттық аза тұту деп белгіленді», — делінген хабарламада.
28 наурызда ел аумағында жойқын жер сілкінісі болды. Оның магнитудасы 7,9 балл болған. Жер сілкінісі көршілес Таиланд еліне де әсер етті, Қытай мен Вьетнамда жер асты дүмпулері сезілді.
