Ақтауда балабақшаның қызметкері баланы ыстық суға күйдіріп алды

Ақтаудағы балабақшалардың бірінде гигиеналық процедуралар кезінде 2 жасар қызды күйдіріп алған күтуші жұмыстан шығарылды, деп хабарлайды Qazaq.today агенттігі
lada.kz басылымына сілтеме жасап.

«Медбике мен тәрбиеші дереу шұғыл медициналық көмек көрсетті, ата-анасымен байланысып, жағдайды хабарлады. Ол кезде қызарып тұрған, жағдайы қанағаттанарлық болды. Алайда бір сағаттан кейін көпіршіктер пайда болды. Қатемізді мойындаймыз және осы оқиға үшін толық жауап береміз. Сондай-ақ, кез келген қосымша ақпарат беруге және баланы емдеу кезінде қажет болуы мүмкін көмекті көрсетуге дайынбыз. Балабақша басшылығы баланы емдеуге жұмсалған барлық шығынды өтеуге дайын», — деді меңгеруші.

Балаға гигиеналық процедураларды жүргізген күтуші сол күні жұмыстан шығарылған.

«Оның әрекеттерін ақтай алмаймыз. Болашақта мұндай жағдайлардың алдын алу үшін қажет шараларды қабылдаймыз. Баланың ата-анасынан болған оқиға үшін тағы да кешірім сұраймыз», — деді меңгеруші.

44