Фото: видеодан скриншот
Қызылорда облысында жоғалып кеткен АН-2 ұшағы иен даладан табылды. Экипаж мүшелері аман-есен, оларға сегіз сағаттан кейін құтқарушылар жетті, деп хабарлайды Qazaq.today.
АН-2 ұшағындағы оқыс оқиға
Қызылорда облысында «Таң-Құмкөл» бағытында ұшқан АН-2 ұшағы мәжбүрлі түрде жерге қонған. Бұл туралы кеше ТЖМ кезекші бөліміне хабарлама келіп түсті.
«Ұшақ бортында 3 адам болған. Олардың қайда екені белгісіз еді. Олармен байланыс болмады», — деп жазылған ТЖМ таратқан ақпаратта.
Жедел іздестіруге ТЖМ және полиция департаментінің барлық күші мен құралы тартылды. Сондай-ақ іздестіру жұмыстарын жүргізу үшін ҚР ТЖМ «Қазавиақұтқару» АҚ тікұшағы жұмылдырылды. Іздестіру тобының жедел және үйлесімді іс-қимылдарының арқасында 8 сағаттан кейін түнде жоғалғандар ай даладан табылды.
«Олар Қызылорда облысы Сырдария ауданы Тереңөзек кентіне жеткізілді. Ешқайсысы медициналық көмекке мұқтаж болған жоқ», — деп хабарлады құтқарушылар.
