Фото: Жоғарғы сот
2023 жылдың 22 желтоқсан күні Дархан Ахметжанов үш адамның өліміне әкелген бұзақылық жасады және көліктің қауіпсіздік жұмысын қамтамасыз ету ережелерін бұзды деп айыпталып отыр, деп хабарлайды Qazaq Today ақпарат агенттігі Stan.kz-ке сілтеме жасап.
«Жүргізуші оның абыройына нұқсан келтірген болса, онда ол дәлелді түрде тиісті органдарға жүгінуі керек еді. Сонымен қатар сотталушы Ахметжановтың Шөкебаеваның оны балағаттады деген сөзінде ешқандай дәлел жоқ. Шөкебаева тарапынан қорлау болған жоқ. Сотталушының кінәсі жәбірленушілердің, куәлардың, мамандардың айғақтарымен, сот-медициналық сараптамасының қорытындысымен, оқиға болған жерді қараудың хаттамасы мен сызбасымен, айғақтармен, жол-көлік оқиғасының бейнежазбасымен дәлелденеді», – деді прокурор.
Прокурор сотталушының өкінбегенін және өз кінәсін толық мойындамайтынын айтты. Сотталушы наркологиялық есепте тұрмағандықтан немесе диспансерлік бақылауда болмағандықтан өз әрекетін толық бағалай алады.
«Сотталушы Дархан Маратұлы Ахметжановты Қазақстан Республикасы Қылмыстық кодексінің 293-бабының 1-бөлігі және 351-бабының 3-бөлігімен кінәлі деп танып, сегіз жылға бас бостандығынан айыру жазасын ең төменгі қауіпсіздік мекемесінде өтеуді сұраймын», – деді мемлекеттік айыптаушы.
