Алматының Алатау ауданында алып апан пайда болды. Бір апта бұрын ғана төселген жол ойылып кеткен, деп хабарлайды Qazaq.today ақпараттық агенттігі. Үлкен жүк көліктері сиып кететін шұңқырдың пайда болғанына бір аптаға жуықтаған. Жалпы Алатау ауданындағы осы орталық автожолдың ойлы-шұңқыр болып қараусыз қалғанына төрт жылға жуықтаған. Су құбыры тартылған соң әкімдік оншақты күн бұрын ғана жаңадан асфальт төсеткізген. Алайда жолаушылардың қуанышы көпке бармады. Жол ортасынан ойылып, жүргіншілергедің өміріне қауіп төндірді. Алып апан бұрылыста, жарық тартылмаған жерде орналасқан. Қауіпті жерде көлік апаты да орын алды.
«Жолдың ортасы ойлып қалғаны, қауіпті екені туралы ешқандай белгі қойылмаған. Тек екі жақ шетіне бетон қойып қойған. Мен қараңғыда 2ГИС арқылы келе жаттым. Картада да ешқандай белгі берілмеді, жол ашық деп тұр. Бетон кедергіге соғылып, машинам жарамсыз болып қалды. Бұл шұңғырға жеңіл машина емес, үлкен жүк көліктері де сиып кетеді», — деді жол апатына ұшыраған жігіт.
Алматы қаласы әкімдігінің ақратынша, тендерді Қарасай ауданында тіркелген компаия ұтып алған. Енді әкімдік жолды қалпына келтіруді мердігер мекемеге міндеттемек. Қалалық жолаушылар автобусыда қауіпті жолмен жүруге мәжбүр.
«28 қазан күні «Қарасай Құрылыс» ЖШС мердігер ұйымы Боралдай шағын ауданындағы Центральная көшесінің асфальтбетон жабынын қалпына келтірді. Алайда биыл 3 қарашада Барыс 4/1 көшесіндегі жеке құбырда болған апаттың салдары жойылып, судың ағуы тоқтатылды. Мердігерлік ұйым қалпына келтіру жұмыстарын жүргізуде», — деп хабарлады Алматы қаласының әкімдігі.
