Фото: pixabay
Алматыда түнгі уақытта жеңіл көліктер соқтығысып, салдарынан бір адам қаза тапты. Қайғылы оқиғаның бейнежазбасы әлеуметтік желіде тарады, деп хабарлайды Qazaq Today ақпарат агенттігі.
Полиция департаментінің мәліметінше, жол-көлік оқиғасы Әуезов ауданында болған.
— Бұл жол-көлік оқиғасы бүгін түн жарымда Алматының Әуезов ауданында болған. Саин көшесімен солтүстік бағытта келе жатқан «БМВ» маркалы көліктің жүргізушісі сол жақ қатарда тұрған «Ниссан» маркалы көлігін соғып, екі жаяу жүргіншіні қағып кеткен. Оқиға салдарынан жаяу жүргіншілердің бірі — 48 жастағы ер адам оқиға орнында көз жұмды. Адам өліміне әкеп соқтырған жол-көлік оқиғасы бойынша қылмыстық іс қозғалды. Сараптамалар тағайындалды, — деп хабарлайды қалалық ПД баспасөз қызметі.
Еске салайық, 16 шілде күні Алматыда тағы бір автобус жол-көлік оқиғасына ұшырап, 9 адам зардап шеккен болатын.
