Алматының қала құрылысын бақылау басқармасы Достық даңғылы, 40/1 мекенжайында орналасқан дәмханаға жапсарлас құрылыстың бұзыла бастағанын хабарлады.
Аlmaty.tv-тің мәліметіне қарағанда, сот шешімімен нысан заңсыз салынған деп танылды. Кафе рұқсат құжаттарынсыз салынған жапсарлас құрылыста орналасқан.
Былтырғы жылдың 19 маусымында басқарма бұзушылық фактілері бойынша ҚР ӘҚБтК 319, 322-баптарының 1-бөлігі бойынша «Ала кафе» ЖШС қатысты шара қабылдады.
2023 жылдың 20 шілдесінде әкімшілік құқық бұзушылық жөніндегі мамандандырылған ауданаралық сот қосымшаны заңсыз деп тапты, алайда жауапкер апелляциялық шағым түсірді.
Алматы қалалық сотының 2023 жылғы 14 желтоқсандағы қаулысымен бірінші сатыдағы шешім өзгеріссіз қалды.
Бүгін сот шешімін орындау үшін құрылысты бұзыла бастады.
