Алматыда «қыз алып қашу» ісіне қатысқандар анықталды. Оқиға Алатау ауданында орын алған. Алайда пранк үшін елді шошытқандар бәрібір жауапкершілікке тартылды, деп хабарлайды Qazaq.today тілшісі. Осы дерек бойынша тексеру шаралары жүргізіліп, нәтижесінде оның ұйымдастырушылары мен қатысушылары анықталды. Олардың іс-әрекетіне алдағы уақытта да құқықтық баға берілмек.
«Мен, бұл әлеуметтік эксперимент – пранк екенін айтқым келеді. Мен сол видеодағы қызбын. Менде бәрі жақсы, мені ешкім алып қашқан жоқ. Жұртшылықтан кешірім сұраймыз», – деді, 2004 жылы туған Т.есімді қыз.
Сонымен қатар, «Шевроле Нексиа» автокөлігінің жүргізушісі деп жауапкершілікке тартылды. 1988 жылы туған И.есімді азамат айыппұл арқалған.
«Құқық бұзушылық дерегіне сәйкес оған қатысты ҚР ӘҚбК-нің 290 бабы 2 бөлігі (КҚ мемлекеттік тіркеу нөмірлік белгісінсіз басқару) және ҚР ӘҚбК-нің 601 бабы 1 бөлігі (жол белгілері мен таңбаларының талаптарын сақтамау) бойынша әкімшілік хаттамалар толтырылды. Көлік құралы мамандандырылған айыппұл тұрағына қойылды», – деді Алматы қалалық ПД баспасөз қызметі
