Алматыда биыл наурыз айының ортасында жоғалған тұрғынның денесі табылды. Бұл туралы LIDER.KZ еріктілер тобы Instagram парақшасында хабарлады, деп жазады Qazaq.today.
Алатау ауданының тұрғыны, 1987 жылы туған Кон Константин Игоревич 15 наурызда үйінен шығып, хабар-ошарсыз кеткен. Ол Петровский көшесіндегі 4-ші үйден шығып, қайта оралмаған.
Жоғалған азаматтың белгілері: бойы – 160 сантиметр, дене бітімі орташа, шашы қара әрі қысқа, сол қолында үш саусағы жоқ.
Еріктілердің мәліметінше, марқұмның денесін полицейлер 22 наурыз күні Алматы қаласы аумағынан тапқан. Оқиғаның өзге мән-жайы туралы әзірге ақпарат жарияланған жоқ.
