Алматы тұрғындары қостанайлықтарға 120 тонна гуманитарлық көмек жіберді
Алматы қалалық әкімдігінің ұйымдастыруымен өрттен зардап шеккен тұрғындарға гуманитарлық көмек жинау жалғасып жатыр. Осы уақытқа дейін 120 тоннадан астам қажетті заттар жиналған. Алматыдағы “DEPO EVOLUTION PARK» жастар орталығы «Жастар рухы» Коворкинг орталығында 10 гуманитарлық көмек жинау пункті ұйымдастырылды.
Негізінен азық-түлік, киім-кешек, бірінші кезекте қажетті заттар, сондай-ақ тұрмыстық техника, құрылыс материалдары және арнайы жабдықтар (бензин генераторлары, құрылыс құралдары және т.б.) жіберілмек. Тасымалдау үшін әрқайсысы әрқайсысы 20 тонналық жүкті көтеретін 6 ауыр көлік жолға шықпақ.
«Кеше Қостанай облысына 2 жүк көлігі (Fuhre, үлкен жүк таситын) жөнелтілді. Тағы 4 жүк көлігі бүгін жолға шығады. Гуманитарлық көмекті жинауға және тиеуге еріктілер, кәсіпкерлер және қала тұрғындары арасынан 200-ден астам адам қатысты», – деп хабарлады қала әкімдігінің баспасөз қызметі.
Алматы қаласы мәслихатының депутаттары гуманитарлық көмекті ұйымдастыруға ат салысып жатыр. Акция аясында төтенше жағдайдан зардап шеккендер үшін қалалық Мәслихат депутаттары жалпы сомасы 15 млн теңгеге 20 тоннадан астам гуманитарлық көмекпен жүк көлігін жіберген. Өрттен зардап шеккен қостанайлықтар ұн, қант, күріш, қарақұмық, макарон өнімдері, өсімдік майы, ауыз су, консервілер (ет/балық), төсек-орын жабдықтары мен гигиена құралдарынан (памперстер, майлықтар және т.б.) қысылмау керек.
«Сондай-ақ, төсек жабдықтарын сатып алу өмірлік қиын жағдайға тап болған әйелдерді әлеуметтік қолдау «Бақытты Отбасы» орталығының қолдауымен көп балалы аналардың тігін цехы арқылы жүзеге асырылды. Жалпы 200 төсек-орын тысы сатып алынды. Гуманитарлық көмекті жасақтауға «Amanat», «Ақ жол», «Қазақстан халық партиясы» және «Ауыл» партияларының депутаттары белсенді қатысты», – деді Алматы қаласы Мәслихатының баспасөз хатшысы Дархан Серікбайұлы.
