Ішкі істер министрлігі наурыз айында «Мал ұрлығы» атты шара өткізіп, 21 күннің ішінде мал таситын 54 мыңнан көлікті, ет пен мал сатып алатын 17 мыңнан астам орын мен 28 мыңнан астам шаруа қожалықтарын тексерген, деп хабарлайды Qazaq.today.

Сол шара барысында Астана, Алматы мен Шымкентте заңсыз жұмыс істеген 13 цех анықталған. Мал ұрлығына қатысы бар 131 адам анықталған.

«Бұдан өзге, 23 қылмыстық топтың әрекетіне тосқауыл қойдық. Мал ұрлығы бойынша 135 іс ашылып, 580 мал иелеріне қайтардық», — дейді ІІМ криминалдық полиция департаментінің бастығы Қанат Нұрмағамбетов.

Осы акция аясында Алматы облысында 11 рет мал ұрлаған екі топ, ал, Жамбыл облысында 103 ұсақ мал ұрлаған 9 факт анықталған.

ІІМ: Үш қалада 13 заңсыз мал сою цехы табылды