Жетісу облысында той көйлекпен сайлауға барған жас жұбайлар дауыс берді. Алакөл ауданының орталығы Үшаралда жас жұбайлар тойды сайлау учаскесіне барудан бастаған.Несіпбек әулетінде шаңырақ көтерген жастардың тойы елдегі саяси науқанмен қатар келген. Үшарал қаласының тұрғындары Несіпбек Асхат және Дәуренқызы Әсем бүгін отау тікті. 
Жас жұбайлар өмірлеріндегі маңызды күн бола тұра, республикалық саяси науқанға да көңіл бөлген. Тарихи сәтте жас жұбайлар №48 сайлау учаскесіне келіп алғаш рет той алдында дауыстарын берді.
«20 қарашада өтетін сайлау өтетінін бәріміз білдік. Осыған орай той алдында сайлау учаскесіне келіп, өз дауысымызды береміз деп шештік. Мұндай күні әр азамат еліміздің болашағын ескеріп, өз дауыстарын беруі қажет. Осыған орай азаматтық жауапкершілігімді білдіре отырып осы керемет сәтті пайдаланудамыз. Бұл бір жағынан өміріміздегі қызықты сәттердің бірі ретінде есте қалатыны сөзсіз», – деді Несіпбек Асхат.
