АҚШ Жоғарғы соты уақытша Венесуэлалық мигранттарды депортациялау туралы шешімді тоқтатты. Бұл әрекет АҚШ-тың бұрынғы президенті Дональд Трамп әкімшілігінің «Шетелдік жаулар туралы заңына» сүйеніп, елден шығаруға бағытталған болатын. Бұл туралы Qazaq.today ақпарат агенттігі хабарлайды.
Washington Post басылымының мәліметінше, Америкалық азаматтық бостандықтарды қорғау одағы (ACLU) Жоғарғы сотқа кемінде 30 венесуэлалықты депортациялау әрекетін тоқтату туралы өтініш білдірген.
Соттың шешімі бойынша, қамауда отырған мигранттарды келесі бұйрыққа дейін АҚШ-тан шығару мүмкін емес екендігі нақты көрсетілген.
Трамп әкімшілігі Латын Америкасындағы қауіпті қылмыстық топтар қатарындағы «MS-13» және Венесуэладағы «Tren de Aragua» бандаларын «шетелдік террористік ұйымдар» тізіміне енгізіп, олардың кейбір мүшелерін Сальвадорға депортациялаған. Заңсыз миграцияға қарсы күрес аясында АҚШ президенті Дональд Трамп бұрын тек соғыс жағдайында қолданылған «Шетелдік жаулар туралы заңды» іске қосқан.
Айта кетейік, бұған дейін Трамп елден ерікті түрде кеткісі келетін заңсыз мигранттарға қаржылай көмек пен ұшақ билетін ұсынғаны туралы хабарланған болатын.
