Сурет:pixabay.com
Бос уақыт – көпшілік үшін тек уақыт өткізу емес, өзіңді дамытуға, ойыңды тынықтыруға және ішкі тепе-теңдікті табуға берілген мүмкіндік. Көп адам бос қалса, не істерін білмей әлеуметтік желіге кіріп кетеді. Алайда бұл уақытты әлдеқайда пайдалы әрі мәнді өткізуге болады.
Алдымен өзіңді дамытуға көңіл бөлуге болады. Кітап оқу ой-өрісті кеңейтеді, сөздік қорыңызды байытады және ойлау қабілетін арттырады. Көркем әдебиет те, танымдық кітаптар да адамға жаңа көзқарас береді. Сондай-ақ жаңа дағды үйрену – бос уақытты тиімді пайдаланудың бір жолы. Онлайн курстар, тіл үйрену, жазу, сурет салу немесе музыкамен айналысу адамның шығармашылық қабілетін ашады.
Бос уақытта денсаулықты да ұмытпаған жөн. Үйде қарапайым жаттығу жасау, таза ауада серуендеу, жеңіл жүгіру немесе йогамен айналысу денеге сергектік береді. Қозғалыс – тек физикалық емес, психологиялық күйге де оң әсер етеді. Көңіл күй жақсарып, ой жинақталады.
Өзіңмен оңаша қалу да маңызды. Күнделік жазу, ойды қағазға түсіру, өткенді саралау – ішкі жан дүниені реттеуге көмектеседі. Кейде үнсіздік пен тыныштық адамға ең керек нәрсе болады. Бұл – өзіңді түсінуге, алдағы мақсатты айқындауға мүмкіндік.
Сонымен қатар жақын адамдармен уақыт өткізу де бос уақыттың құндылығын арттырады. Отбасымен әңгімелесу, достармен кездесіп, ашық сөйлесу адамға рухани жылулық береді. Мұндай сәттер қарым-қатынасты нығайтып, өмірге деген сенімді күшейтеді.
Бос уақыт – босқа кететін уақыт емес. Оны қалай пайдаланатынымыз өз қолымызда. Дұрыс жоспарланған бос уақыт адамның ойы мен денесін дамытып, өмір сапасын жақсартады. Ең бастысы – өзіңізге пайда әкелетін істі таңдаудан қорықпау.
