Фото: Pixabay
АҚШ-тың Вашингтон қаласында бүгін 2026 жылғы футболдан әлем чемпионатының финалдық кезеңіне арналған жеребе рәсімі өтеді, деп хабарлайды Qazaq Today ақпарат порталы.
Қазіргі таңда додаға қатысатын 42 ұлттық құраманың есімі белгілі, ал іріктеу аяқталғаннан кейін тағы алты команда тізімге қосылады. 2026 жылғы мундиаль Канада, АҚШ және Мексиканың бірлескен ұйымдастыруымен өтпек. Турнир 11 маусымда басталып, 19 шілдеде мәресіне жетеді. Жеребе алдында командалар төрт себетке бөлініп орналастырылған.
Бірінші себетке Канада, Мексика, АҚШ, Испания, Аргентина, Франция, Англия, Бразилия, Португалия, Нидерланды, Бельгия және Германия кірген.
Екінші себетте Хорватия, Марокко, Колумбия, Уругвай, Швейцария, Жапония, Сенегал, Иран, Оңтүстік Корея, Эквадор, Австрия және Австралия бар.
Үшінші себетке Норвегия, Панама, Египет, Алжир, Шотландия, Парагвай, Тунис, Кот-д’Ивуар, Өзбекстан, Катар, Сауд Арабиясы және Оңтүстік Африка енгізілген.
Төртінші себетте Иордания, Кабо-Верде, Гана, Кюрасао, Гаити және Жаңа Зеландия орналастырылған.
Жеребе нәтижесінде барлығы 12 топ жасақталады. Әр топқа төрт командадан түседі, ал топтық кезеңнен үздік екі құрама плей-офф кезеңіне жолдама алады.
