Жапонияның Ұлттық метеорологиялық басқармасы мәлімдеді, деп хабарлайды Qazaq Today ақпарат порталы.
Сейсмологтардың мәліметінше, жер асты дүмпулерінің ошағы Иватэ префектурасының шығыс жағында, 10 шақырым тереңдікте орналасқан. Алғашқыда жер сілкінісінің қуаты 6,5 деп хабарланған, бірақ содан кейін бұл көрсеткіш 6,7-ге нақтыланды.
Жер сілкінісінен кейін бірден Жапонияның солтүстік-шығыс жағалауларында цунами қаупі туралы ескерту жарияланды, алайда біраз уақыттан соң бұл ескерту алынып тасталды. Дегенмен, билік тұрғындарға жағалау маңына жақындамауға кеңес беруде.
Қазіргі уақытта ел аумағындағы атом электр станцияларында төтенше жағдай тіркелмеген, сондай-ақ қираулар мен зардап шеккендер туралы ақпарат жоқ.
Жапония Премьер-министрі Санаэ Такаити кеңсесінде төтенше жағдайға байланысты арнайы дағдарыс штабы құрылды, жер сілкінісіне қатысты ақпаратты жинау және құтқару қызметтерінің жұмысын үйлестіру басталды.
