Фото: Видеодан алынған кадр
Алматы мен облысты байланыстыратын автожолда екі көлік дрифт жасап, өзге көліктердің жүруіне кедергі келтірді. Полиция Алматы облысында жедел шаралар жүргізіп, оқиғаға қатысқан барлық тұлғаларды анықтап, аудандық полиция бөлімшесіне жеткізді, деп хабарлайды Qazaq Today ақпарат порталы.
— Құқық бұзушылар Қарасай ауданының тұрғындары – 1999, 2003 және 2007 жылы туған азаматтар. Оларға қатысты Әкімшілік құқық бұзушылық туралы кодекстің жеті бабы бойынша әкімшілік материалдар толтырылды. Барлық көлік құралдары арнайы айып тұрағына қойылып, жүргізушілер көлік құралын басқару құқығынан 6 ай мерзімге айырылды, — деп хабарлады полициядан.
Полиция қызметкерлері құқық бұзушылармен профилактикалық әңгіме жүргізіп, оларға қолданыстағы заңнама талаптары мен жауапсыз әрекеттердің салдарын түсіндірді.
