Фото: видеодан алынған кадр
Алматыда сенбі күні кешкісін Арбат маңында мас күйде жүрген бес жасөспірім анықталды. Олардың екеуі алкогольдік улану белгілерімен қалалық балалар клиникалық ауруханасына жеткізілді, деп хабарлайды Qazaq Today ақпарат порталы.
Құқық қорғау органдары жасөспірімдердің ішімдікті қайдан және қалай алғанын анықтап жатыр. Бұл жайтқа қатысты түсірілген бейнежазба әлеуметтік желілерде таралып үлгерді.
Алматы қаласының бала құқықтары жөніндегі уәкілі Диана Ерлан оқиғаға байланысты түсініктеме беріп, ата-аналарға қатысты әкімшілік хаттама толтырылғанын хабарлады.
“Әкімшілік құқық бұзушылық туралы кодекстің 440-бабының 2-бөлігіне сәйкес хаттамалар рәсімделді. Жиналған материалдар жасөспірімдердің тұрғылықты мекенжайы бойынша Кәмелетке толмағандар ісі жөніндегі комиссияға жолданады”, – деп жазды омбудсмен.
