Елордалық дәрігерлер барлық қажетті медициналық көмекті көрсеткенімен, зардап шеккен екі адам жедел жүрек-қан тамырлары, тыныс алу, бүйрек жеткіліксіздігінен көз жұмды, деп хабарлайды Qazaq.today Ақтөбе облысы әкімдігінің баспасөз қызметіне сілтеме жасап.
Қазіргі уақытта Астана ауруханасында зардап шеккен үшінші жұмысшы емделуді жалғастыруда. Тағы біреуі Ақтөбедегі ауруханада жатыр. Оның жағдайы тұрақты.
«Зардап шеккендердің отбасыларына барлық қажетті көмек көрсетіледі», — деп хабарлады облыс әкімдігі.
Еске сала кетейік, «СНПС Ақтөбемұнайгаз» АҚ зауытындағы өрттен кейін 2 мамырда санавиациядан зардап шеккен үш адам Астана ауруханасына жатқызылған болатын.
Аталған факт бойынша комиссия құрылды, онда компаниялардың басшыларын, орындаушыларды жауапкершілікке тарта отырып, еңбек жағдайларының қауіпсіздігін қамтамасыз ету тұрғысынан өңірдің барлық мұнай өндіруші кәсіпорындарын тексеру қажеттігі айтылды.
ҚР ҚК 292-бабы «өрт қауіпсіздігі ережелерін бұзу» бойынша қылмыстық істі тергеу жүріп жатыр.
1 мамыр күні Ақтөбе облысына қарасты Жаңажол кен орнындағы №2 газ өңдеу зауытында өрт салдарынан төрт адам зардап шеккен болатын.
Qazaq.today
