14 шілде күні еліміздің бірқатар өңірінде найзағай, дауыл, бұршақ және аптап ыстық болады. «Қазгидромет» РМК мәліметінше, басты өлкеде жаңбыр жауады, деп хабарлайды Qazaq.today.
Атмосфералық фронттардың өтуіне байланысты мына аймақтарда жаңбыр мен найзағай болады:
- Батыс Қазақстан
- Солтүстік-батыс
- Солтүстік облыстар
- Шығыс Қазақстан
- Оңтүстік-шығыстың таулы аймақтары
«Солтүстік-батыс, солтүстік және шығыс өңірлерде бұршақ жаууы мүмкін. Шығыста қатты жаңбыр мен шквал күтіледі», – делінген Қазгидромет хабарламасында.
Қазақстанның басқа аймақтарында антициклон ықпалымен жауын-шашынсыз ауа райы сақталады. Алайда бұл өңірлерде аптап ыстық байқалады.
- Батыс Қазақстан, Атырау, Жамбыл, Жетісу облыстары
- Алматы облысының батысы мен солтүстігі, Ақтөбе облысының оңтүстігі, Ұлытау облысы. Күндіз ауа температурасы +35…+39°С болады.
- Түркістан облысы. 14 шілдеде +40°С дейін қатты ыстық күтіледі.
- Маңғыстау облысы. Ауа температурасы +41°С-қа дейін көтеріледі.
Қызылорда облысында қатты жел соғып, шаңды дауыл болуы мүмкін. Басқа өңірлерде де желдің екпіні күшейеді.
