UFC басшысы Дана Уайттың соңғы мәлімдемесі барлық жорамалдарға нүкте қойды. Ол 2025 жылдың жазында өтетін бірнеше титулдық жекпе-жектерді ресми түрде жариялады, деп хабарлайды Offside.kz.
Ресми ақпарат: Шавкат Рахмонов титул үшін жекпе-жекке шықпайды
Шавкат Рахмонов. Фото: Instagram @shavkatrakhmonov94
Ислам Махачев жеңіл салмақтағы титулдан бас тартты
UFC 315 турнирінде Маддалена Белал Мұхаммедті сенсациялық түрде жеңіп, чемпиондық белбеуді иеленген соң, бұл дивизионда кімнің келесі үміткер болатыны туралы қызу пікірталас басталды.
Бұған дейін Ислам Махачев егер дивизионда өзгерістер болса, жартылай орта салмаққа өтетінін айтқан болатын. Маддаленаның жеңісі бұл мүмкіндікті ашты. Бүгін түнде промоушен ресми түрде жаңа жекпе-жектерді жариялады.
Негізгі оқиғалар:
UFC 317 – 28 маусым, Лас-Вегас
-
Басты жекпе-жек: Илия Топурия (17-0) мен бұрынғы чемпион Чарльз Оливейра жеңіл салмақтағы бос тұрған титул үшін кездеседі. Титул Ислам Махачев жартылай орта салмаққа өткен соң босады.
-
Қосалқы жекпе-жек: Александр Пантожа наилегчай салмақтағы титулын Кай Кара-Франсқа қарсы қорғайды.
UFC 316 – 7 маусым, Ньюарк
-
Басты жекпе-жек: Мераб Двалишвили жеңіл салмақтағы титулын бұрынғы чемпион Шон О’Мэллиге қарсы реваншта қорғайды.
-
Қосалқы жекпе-жек: Джулианна Пенья мен олимпиада чемпионы Кайла Харрисон әйелдер арасындағы жеңіл салмақ титулы үшін айқасады.
UFC 319 – 18 тамыз, Чикаго
-
Басты жекпе-жек: Дрикус Дю Плесси орта салмақтағы титулын Хамзат Чимаевқа қарсы қорғайды. Чимаев бұған дейін Гилберт Бернс, Камару Усман және Роберт Уиттакерді жеңген.
Рахмоновтың болашағы
Дана Уайт Махачев пен Джек Маддалена арасындағы чемпиондар айқасының дайындалып жатқанын растады, бірақ нақты күні белгісіз.
Шавкат Рахмонов жаңартылған рейтингте жартылай орта салмақта үшінші орында тұр және жарақатынан кейін бірден титулдық жекпе-жекке шығуы тиіс болатын. Алайда Махачевтің бұл салмаққа келуімен оның чемпиондық мүмкіндігі бұлыңғырлана түсті.
