Фото: Ақорда
Олимпиада мен Паралимпиада жүлдегерлеріне мемлекеттік төлемдер жіберілді. Бұл туралы Туризм және спорт министрлігі мәлімдед, деп хабарлайды Qazaq Today ақпараттық агенттігі.
Үкімет 2024 жылы Парижде өткен XXXIII жазғы Олимпиада және XVII жазғы Паралимпиада жеңімпаздары мен жүлдегерлеріне ақшалай сыйақы беру туралы қаулы қабылдады. Бұл шешім еліміздің спортшыларын қолдау және олардың жетістіктерін атап өту мақсатында қабылданған.
Қаулыға сәйкес, Үкімет резервінен 49 спортшы мен 63 жаттықтырушыға ақшалай сыйақы жіберілді. Ақшалай сыйақылар жүлдегерлер мен олардың жаттықтырушыларына төмендегідей мөлшерде беріледі:
* 1-орын — 250 000 АҚШ доллары;
* 2-орын — 150 000 АҚШ доллары;
* 3-орын — 75 000 АҚШ доллары;
* 4-орын — 30 000 АҚШ доллары;
* 5-орын — 10 000 АҚШ доллары;
* 6-орын — 5 000 АҚШ доллары.
Ақшалай сыйақы жүлдегерлердің бірінші, жеке және бас жаттықтырушыларына да беріледі. Сонымен қатар, Олимпиада мен Паралимпиада жеңімпаздары мен жүлдегерлеріне жергілікті атқарушы органдар тарапынан қолдау көрсетіледі. Атап айтқанда, әкімдіктер спортшыларға жергілікті коммуналдық тұрғын үй қорынан тегін пәтер ұсынады.
