Белгілі айтыскер ақын Серік Қалиев қайтыс болды. Бұл туралы журналист Ардақ Байғалбыл әлеуметтік желідегі парақшасында жазды.
Бүгін қазақ елінің ақыны, керемет тұлға, асыл ағам Серік Қалиев бақилық болды. Алла рахымына алсын сізді ағау. 30 күн оразасын ұстап, шәууаль айының 6 күндік оразасын түгендеп, Құптан намазына бара жатқанда көлік қағып кетті, — деп жазды ол.
Серік Қалиев 1961 жылы Жамбыл облысы Амангелді ауылында туған.
Ол 1983-1995 жылдары облыстық, республикалық ақындар айтыстарына қатысып, жүлделі орындарды иеленген.
Серік Қалиевтың «Жұлдыз — сезім», «Ақ моншақ», «Егіздің сыңары», «Ашық хат» өлең жинақтары жарық көрген.
Qazaq.today
