Танымал әнші жасырын ұстаған хоббиімен бөлісті
Әнші Мәдина Сәдуақасова көп жылдан бері жасырып келген қызығушылығы туралы айтты, деп хабарлайды Qazaq.today.
Өнер иесі Instagram-дағы stories бөлімінде би залында жаттығып жүрген видеосын жариялады. Ол билеуді бала кезінен армандағанын, алайда бұл қызығушылығын ешкімге айтпағанын жеткізді.
«Тіпті күйеуім де бұл хоббиімді білмеген. Енді сіздер де білесіздер. Ашылмаған, айтылмаған сырларым әлі көп менің», – деді әнші.
Сәдуақасова бұрыннан бері би үйренгісі келгенін, бірақ түрлі себептермен бұл арманы кейінге қалып келгенін атап өтті. Енді ол өз мақсатына жетуге бел буғанын айтты.
