Көктемгі су тасқыны Қазақстан үшін ауыр сынақ болды. Табиғи апаттан 70 мыңнан астам адам эвакуацияланып, 12 мыңнан астам тұрғын үй мен 7 мың саяжай бүлінді. Су жолдарды шайып, құнарлы жерлерді зақымдап, көптеген адамды баспанасы мен мүлкінен айырды.
Мемлекет шұғыл түрде өтемақы мен қолдау шараларын ұйымдастырды. Президенттің ынтымақтастыққа шақыруы қоғамда кең қолдау тапты. Алғашқылардың бірі болып бизнес-қауымдастық көмекке келіп, зардап шеккендерге 250,5 миллиард теңге жинады. Ірі компаниялар, кәсіпкерлер мен қарапайым азаматтар да қайырымдылық акцияларына белсенді атсалысты.
Аталмыш игі іске «World Green Company», «Jusan Bank», «ERG», «Базис-А», Samruk-Kazyna trust, «ҚазМұнайГаз», «Қазмырыш», «Halyk Bank», «Kaspi», «Қазақстан халқына» қоры және басқа да ұйымдар қомақты үлес қосты. Сонымен қатар, меценаттар мен кәсіпкерлер, атап айтқанда Мухамед Избастин, Айдын Рахымбаев, Андрей Лаврентьев, Нұрлан Смағұлов және басқалар да белсенділік танытты. Мысалы, Мухамед Избастин «Қазақстан халқына» қорына 450 миллион теңге аударып, өз үлесін қосты. Оның айтуынша, табиғи апаттың салдарын жедел және бірлесе шешу маңызды, себебі елдің бірлігі кез келген қиындықты жеңуге негіз болады.
Андрей Лаврентьев те айтарлықтай көмек көрсетті. Қостанайлық машина жасаушылардан 250-ге жуық адам эвакуация және қолдау шараларына жұмылдырылып, «Allur» зауыты арнайы техника бөлді. «AGROMASH» зауыты жатақханадан зардап шеккендерге баспана ұсынды. Бұл тек қаржылай ғана емес, материалдық тұрғыдан да жасалған қолдаулардың үлгісі болды.
Қазақ халқының көмек қолын созу дәстүрі терең тамырланған. Асар дәстүрі, жылу жинау, шүлен тарату сияқты игі істер қазақ мәдениетінің және ислам дінінің ажырамас бөлігі. Бұл жолы да ұлттық дәстүр жалғасын тауып, көптеген кәсіпкерлер мен ұйымдар зардап шеккендерге көмек қолын созды.
Бүгінде Қазақстанда жүздеген қайырымдылық ұйымдары жұмыс істейді. «Қазақстан халқына» қоры – солардың ішіндегі ең беделдісі. Қор денсаулық сақтау, білім беру, мәдениет пен спорт салаларында көмек көрсетіп, төтенше жағдайларда зардап шеккендерге қолдау көрсетумен айналысады. Ірі бизнес өкілдері қор жұмысына қомақты үлес қосып, әлеуметтік жауапкершілікті арттыруға үлес қосуда.
Қазіргі таңда қор 17 қайырымдылық бастамасы мен бағдарламасын жүзеге асырып, олардың санын екі есе арттыруды жоспарлап отыр. Бизнес-қоғамдастық бұл бастамаларды белсенді қолдап, әлеуметтік көмек жүйесін дамытуды көздейді.
Осылайша, көктемгі су тасқыны қоғамымыздың бірлігін сынаған үлкен сынақ болса, оны бірлескен күш-жігеріміздің арқасында
